【 乔装星星的佢？！EP3 合资格先系办法】
坐向唔好要改改佢？原来「乔装星人」杜小乔（杜以辰）都识睇风水？等等先！你想改嘅系坐厕方向？嗱嗱嗱，之前咪教过你渠管唔可以乱改，一定要Flat-Check！见你都系可造之材，Flat-Check星级导师今集继续教你点改渠管先合规格，仲有点先算系指定豁免工程，大家快啲埋黎睇片一齐学嘢喇！
【 乔装星星的佢？！EP2 厕所管理人】
「乔装星人」杜小乔（杜以辰）继续搅搅震！上集讲完浴缸改企缸要装隔气弯管，点知今集佢又想乱改渠管？！ 好喇，连Flat-Check星级导师都怕咗你，今次再教埋你咩系反虹吸管！想一齐学嘅朋友，快啲一齐睇片喇！
【 乔装星星的佢？！EP1 换缸咪Miss “U”】
经过一番努力，阿标我终于都搵到「乔装星人」杜小乔（杜以辰）嘅踪影，果然佢一到步就求求其其想将屋企嘅浴缸改装成企缸！ 嗱嗱嗱，咁唔得㗎！ 点解？因为⋯⋯等我交畀Flat-Check星级导师解释畀大家听喇！ 想知点解浴缸唔可以话改就改，快啲睇片喇！
渠管健康
标丁教你如何确保渠管健康！
嗱嗱嗱CHECK渠啦喂! 「反虹吸管」究竟有乜用？
咖啡厅有虹吸壶咖啡，咁大家屋企有咩？系反虹吸管呀！咩话，你未听过？ 睇片长知识！阿标搵埋测量师何Sir话你知，原来喺大厦冲厕时，会改变渠管内嘅气压，吸走下层隔气弯管内嘅水；无咗水封挡隔，病毒同臭气好易走入单位里面。 标丁渠管小贴士： 「反虹吸管」嘅作用就系平衡渠管内气压，减低衞生风险。嗱嗱嗱，渠管有问题记得搵建筑专业人士CHECK渠喇！
嗱嗱嗱CHECK渠啦喂！点解渠管唔可以随便改？
图可以改，但排水渠管就唔可以擅自改啦！测量师何Sir同阿标倾开，排水渠管、隔气弯管，仲有反虹吸管全部都唔应该随便改同拆，因为全部设计都要跟足法例规定。 标丁渠管小贴士： 万一改咗或者拆咗以上嘅渠管装置，病毒同埋臭味就有机会入屋，增加衞生风险！ 嗱嗱嗱，咪随便改，有需要最紧要搵建筑专业人士CHECK渠喇！
嗱嗱嗱CHECK渠啦喂！地台去水口有臭味即系点？
霞～～有臭味！宣萱同阿标倾计一直闻到臭味⋯⋯阿标宣萱话你知！原来系地台去水口臭臭，唔系阿标个口。不过渠管好似肠胃咁，唔健康就会有臭味走出嚟！ ?标丁渠管除臭小贴士： 地台去水口定期倒水！人有口气多饮水，地台去水口都系，至少每星期倒半公升清水落去，隔气弯管嘅水封就可以有效挡走臭气毒气入屋！仲要CHECK下渠管有冇裂痕、淤塞或者渗漏。嗱嗱嗱，仲系臭就搵建筑专业人士CHECK渠喇。
嗱嗱嗱CHECK渠啦喂! 渠管有裂痕代表啲乜？
宣萱话你知：「渠管裂咗，病毒有机会入屋㗎！」因为渠裂就代表有机会漏水，排水渠管嘅水呢……又臭又有机会带病毒，漏出会污染大厦，病毒周围走！我个Frd阿鬼话成日要悭，啲嘢烂少少照用唔好嘥！但系讲到渠管，真系烂少少都唔可以用！ ?标丁渠管小贴士： 嗱嗱嗱渠管老化、胡乱改装过都可能令渠裂咗同埋漏水，要搵建筑专业人士CHECK渠喇～
嗱嗱嗱CHECK渠喇喂！点先系健康渠管？
人嘅肠胃好紧要出事就周身病GG了！而排水渠管就好似「大厦嘅肠胃」咁，万一乱咁改装、出现裂痕、淤塞或者渗漏等，就有机会令病毒入屋，今铺认真系GG啦！啊～～ 嗱嗱嗱，开声睇片！教你CHECK一条健康靓渠管应该系点嘅。 仲有仲有，之后测量师何sir、宣萱搵埋阿标话你知，更多护理渠管有关嘅Tips啊，知多啲就可以好似阿标阿丁咁，提身边朋友 「嗱嗱嗱CHECK渠啦喂！」
何sir宣萱话你知：嗱嗱嗱CHECK渠啦喂！
人人都系「管」理阶层，讲嘅系大厦渠「管」嘅健康，人人都可以理！嗱嗱嗱，成日拍戏做管理层嘅宣萱都话：抗疫，健康最紧要。咁点做先啱？ 即刻去片！测量师何钜业何Sir教大家，眼观鼻闻，正确CHECK排水渠管嘅4个要点。发现有问题记得搵合资格承建商维修，预防臭气同病毒由渠管入屋！ 抄齐笔记就Take Action啦，#标丁 提提大家：嗱嗱嗱，CHECK渠啦喂！
《渠管健康与你》
介绍多层楼宇排水系统的设计要点，深入讲解排水系统的组成部分，包括隔气弯管、反虹吸管及通风管的功用，还有检查及维修渠管时所需的相关知识。
影片
