2024年8月8日

每年嘅「樓宇安全學生大使計劃」我哋都會搞搞新意思，等同學仔可以邊玩邊學。今年又有新搞作，推出「樓宇虛擬實境 (VR) 遊戲設計工作坊」，等同學仔用VR技術推廣樓宇安全。

活動當日，班同學仔真係創意爆棚，將之前學到嘅樓宇安全知識融入VR遊戲設計。喺虛擬世界入面，佢哋針對消防安全、僭建物同樓宇失修呢啲主題，設計咗好多小遊戲，等大家喺虛擬世界入面親身體驗樓宇潛在嘅危險。