【#嗱嗱嗱CHECK渠啦喂 廁所臭臭篇??】
廁所臭臭，係腸胃唔好⋯定係U型隔氣隔得唔好？日日清潔都仲係臭臭，就當然關條渠事啦！臭味滋擾仲可能帶埋病毒入屋，嗱嗱臨跟住阿標同阿丁嘅防疫渠管Must Check Items 逐個位睇啦！
一般廁所分便溺污水渠管排出便便，同埋廢水渠管排出浴缸、企缸、洗手盆位置嘅廢水。
留意
有無U型／樽型隔氣？有就每星期倒半公升清水，可以阻隔臭味，同埋阻擋病毒入屋！仲要間中溫和咁通渠，清走垃圾咁就唔會塞啊！
萬一
唔見咗條U型／樽型隔氣⋯或者見到渠管有損壞或者滲漏，嗱嗱臨搵專業人士CHECK渠喇。
嗱嗱嗱！想知多啲渠管常識，就要緊貼阿標同阿丁嘅小貼士喇！
分享：