【嗱嗱嗱定期驗樓住得安心～ 】
喂喂喂周圍咁多樓，但點解有啲業主會收到強制驗樓嘅法定通知，有啲又無呢？
嗱嗱嗱，喺 #強制驗樓計劃 下，樓齡達30年或以上（不超過3層高嘅住用樓宇除外）嘅私人樓宇嘅業主，先至有機會收到由屋宇署發出嘅強制驗樓法定通知。
係咪要等收到強制驗樓通知先黎驗樓?
定期驗樓先會住得安心，精明嘅業主可主動按照強制驗樓計劃嘅標準同程序，搵註冊檢驗人員同註冊承建商為佢嘅單位進行檢驗同修葺 。此外，大家亦可以參加由香港房屋協會推出嘅「自願樓宇評審計劃」，樓宇取得評審計劃嘅認證後，可以喺相關嘅檢驗周期內獲屋宇署認可為符合強制驗樓計劃嘅要求。再提提大家，記得搵個註冊檢驗人員同註冊承建商去自願驗樓同修葺啦！
分享：