2024年8月1日

「樓宇安全學生大使計劃2025」正式開鑼啦！今年有約30位中三至中五同學仔參加，同標丁一齊過個充實嘅暑假，順便學習樓宇安全知識。

今年嘅頭炮活動 — 樓宇安全訓練「型」，一班同學仔嚟到屋宇署總部，個個都表現得好興奮，尤其係對屋宇署嘅日常工作充滿好奇。

活動當日，我哋透過一系列互動遊戲，用輕鬆有趣嘅方式向同學仔講解樓宇安全概念，包括﹕學習睇建築圖則，認識樓宇結構，試用驗樓工具等。仲有機會親手操作小型無人機，了解無人機喺樓宇檢查中嘅應用。

今次活動唔單止學知識，更注重實踐應用。同學仔要將所學到嘅樓宇安全知識融會貫通，設計成虛擬實境(VR)遊戲。