2024年8月1日

「楼宇安全学生大使计划2025」正式开锣啦！今年有约30位中三至中五同学仔参加，同标丁一齐过个充实嘅暑假，顺便学习楼宇安全知识。

今年嘅头炮活动 — 楼宇安全训练「型」，一班同学仔嚟到屋宇署总部，个个都表现得好兴奋，尤其系对屋宇署嘅日常工作充满好奇。

活动当日，我哋透过一系列互动游戏，用轻松有趣嘅方式向同学仔讲解楼宇安全概念，包括：学习睇建筑图则，认识楼宇结构，试用验楼工具等。仲有机会亲手操作小型无人机，了解无人机喺楼宇检查中嘅应用。

今次活动唔单止学知识，更注重实践应用。同学仔要将所学到嘅楼宇安全知识融会贯通，设计成虚拟实境(VR)游戏。