【等等 展開小型工程唔駛急】

唔少人都會問 #標丁， 如果要進行第I／II級別小型工程，填寫工程展開通知書時，工程展開日期填邊日先啱？幾時先可以展開小型工程？
根據「小型工程監管制度」，第I／II級別小型工程要喺工程展開前不少於7日呈交小型工程展開通知書(MW01／MW03)及其他相關文件。
有部份人唔太明白呢7日係點計，其實呢7日嘅第一日係指屋宇署辦公時間內處理所呈交表格嘅第一個工作日，而工程展開嘅最早日期就會係第八日。舉個例，如果你成功喺5月10日於屋宇署收件處呈交小型工程展開通知書，該工程最早可於5月17日展開！所以如果你以郵寄方式 呈交小型工程文件，記得預留返足夠嘅郵件派遞時間喇！
仲有，如就小型工程重新呈交新嘅表格及相關文件，請於新嘅表格內＂早前相關的小型工程呈交編號＂一欄填上小型工程呈交編號，以便跟進。

分享：