【標丁。ESH。齊減碳】

大嘥鬼 Big Waster你口中嘅「代號#ESH」，即係「電子資料呈交及處理系統」，等我哋可以網上呈交圖則同文件，唔需要再印咁多嘢，我枱頭部打印機都冇乜用，係時候拎去回收孝敬慳BB！
講返正題，ESH讓業界人士毋須親身將紙本文件交到屋宇署，節省用紙📄，亦減省咗呈交過程中產生嘅碳排放，真係慳紙又減碳，大嘥鬼都讚！
業界亦可以經ESH提交BIM檔案，使用BIM有助計算出建築項目所需要使用嘅材料及喺虛擬環境中模擬建築物設計同周圍環境，從而發現並解決喺施工過程中有可能出現嘅問題，減少浪費建築材料，響應阿鬼你成日講嘅「減碳4大策略」之一嘅「綠色建築」！
所以，好多人都以為我只係識樓宇安全，其實我都識減碳㗎，不如我哋多啲溝埋環保同樓宇安全一齊做， 有冇得諗先？
電子資料呈交及處理系統︰https://www.bd.gov.hk/en/resources/online-tools/electronic-submission-hub/index.html

分享：