【標丁劇場 之 裝修廚廁勿亂改渠管】

話說阿標決定裝修屋企廚廁，立即激發起阿丁對樓宇安全嘅熱情！等阿丁帶大家睇吓改動廚廁內嘅渠管時，有咩須要注意啦！

標丁提提大家，如果按原來設計更換室內嘅分支渠管（唔涉及埋置渠管）／衞生設備（例如坐廁、洗手盤、浴缸），屬「豁免工程」，可以自行更換。分支渠管嘅原來設計係指批准圖則上或訂明圖則上嘅渠管設計，大家可以透過「百樓圖網」登記、網上預約或親臨「樓宇資訊中心」查詢相關嘅批准圖則或訂明圖則。不過記得進行「豁免工程」都唔可以違反任何建築物規例或者其他法例㗎！ 

但如果要改動室內主要渠管／分支渠管，例如改動衞生設備嘅位置而豎設新嘅渠管，有關工程就屬於小型工程項目2.30或／及項目3.23，要根據小型工程監管制度，搵合資格嘅承建商進行工程及通知屋宇署呀！
想知工程係屬於小型工程項目2.30定係項目3.23，請瀏覽屋宇署網站

想網上登記或預約查詢相關嘅批准圖則或訂明圖則，請瀏覽屋宇署網站
 

分享：