【标丁剧场 之 装修厨厕勿乱改渠管】
话说阿标决定装修屋企厨厕，立即激发起阿丁对楼宇安全嘅热情！等阿丁带大家睇吓改动厨厕内嘅渠管时，有咩须要注意啦！
标丁提提大家，如果按原来设计更换室内嘅分支渠管（唔涉及埋置渠管）／衞生设备（例如坐厕、洗手盘、浴缸），属「豁免工程」，可以自行更换。分支渠管嘅原来设计系指批准图则上或订明图则上嘅渠管设计，大家可以透过「百楼图网」登记、网上预约或亲临「楼宇资讯中心」查询相关嘅批准图则或订明图则。不过记得进行「豁免工程」都唔可以违反任何建筑物规例或者其他法例㗎！
但如果要改动室内主要渠管／分支渠管，例如改动衞生设备嘅位置而竖设新嘅渠管，有关工程就属于小型工程项目2.30或／及项目3.23，要根据小型工程监管制度，搵合资格嘅承建商进行工程及通知屋宇署呀！
想知工程系属于小型工程项目2.30定系项目3.23，请浏览屋宇署网站
想网上登记或预约查询相关嘅批准图则或订明图则，请浏览屋宇署网站
分享：